BUTUAN CITY – Gikumpirma sa kampo ni kanhi multi-weight world champion Floyd Mayweather Jr. nga makigsangka siya sa Greek kickboxing star nga si Mike Zambidis sa usa ka “full-contact exhibition showdown” sa Athens karong Hunyo 27, nga himuon sa OAKA Olympic Complex.
Si Mayweather, 49 anyos, miretiro sa boxing niadtong 2017 nga adunay perpektong rekord nga 50-0 ug sukad niadto, mi-apil siya sa daghang exhibition fights.
Apan, wala madayon ang exhibition fight nga gipahibalo niadtong miaging tuig batok kang Mike Tyson.
Nagkaproblema usab ang plano nga official rematch nila ni Manny Pacquiao karon untang Septembre nga himuon sa Sphere sa Las Vegas kondiin mahimong rematch unta ug gila-umang mutala og labing dako nga kita nga boxing match sa kasaysayan.
Apan human gibutyag ni Mayweather nga exhibition fight ra kini, gipamugos ni Pacquiao nga official bout ang iyang napirmahang kontrata.
