BUTUAN CITY- Gipahigayon ni Angeline Quinto ang unang live performance sa iyang bag-ong kanta nga “Sooper Dooper Star” atol sa iyang “Aquinse” 15th Anniversary Concert nga gihimo sa Araneta Coliseum niadtong, Sabado sa gabii.
Sumala ni Quinto, ang mga mingtambong sa iyang concert mao ang unang nakapaminaw sa iyang bag-ong kanta nga gisulat ni Jonathan Manalo.
Gipadayag usab niini, nga usa sa iyang mga pangandoy mao ang makahimo og solo concert sa Araneta Coliseum.
Atol sa concert, gipasidunggan ni Quinto ang iyang titulo isip “Queen of Teleserye Theme Songs” pinaagi sa pag-kanta sa pipila sa iyang mga bantugang soundtrack, lakip ang “Ngayon” alang sa Reputasyon, “Hanggang Kailan Kita Mamahalin” alang sa The Legal Wife, “Kunin Mo Na Ang Lahat Sa Akin” sa Minsan Lang Kita Iibigin, ug ang iyang pinakabag-ong kanta nga “Hindi Mawawala” sa Love Is Never Gone.
Gikanta usab niini ang pipila sa iyang mga sikat ug gihigugma nga original songs.
Nahimong highlight usab sa maong concert ang mga guest performance gikan sa mga sikat nga artista ug mang-aawit sama nila Concert King Martin Nievera, Asia’s Songbird Regine Velasquez-Alcasid, Erik Santos, Enchong Dee, Divine Divas, Showtime Baby Dolls ug Skusta Clee. Nagpasalamat usab si Quinto sa iyang mga fans nga nakig-uban kaniya sa maong espesyal nga gabii.
