BUTUAN CITY- Unom ang patay ug upat ang angol, lakip ang usa ka 14-anyos nga bata, human sa mga missile strike sa Ukraine sa rehiyon sa Belgorod, Russia, samtang duha usab ang namatay sa Russian drone strikes sa Sumy region sa Ukraine.
Usa ka babaye ang gikatahoang namatay sa drone attack sa Astrakhan, samtang sa Odesa, Ukraine, upat ang nasamdan ug usa ka civilian vessel ang nadaot.
Gisundan kini sa gitawag sa Russia nga pinakadakong Ukrainian drone attack karong tuiga, diin kapin 800 ka drones ang gipadala batok sa Russia ug labing menos pito ang namatay.
Sa laing bahin, mipakusog usab ang Russia sa mga pag-atake sa Ukraine, diin kapin 1,550 ka drone attack, hapit 1,560 ka guided aerial bombs ug 62 ka missiles ang gilunsad batok sa nagkalain-laing rehiyon, nga miresulta usab sa daghang nangamatay ug nasamdan
