BUTUAN CITY – Gipahibalo sa Miss Grand Indonesia Organization pinaagi sa Instagram ang kamatayon sa 25-anyos nga si Miss Grand Indonesia 2025 Putri Andriani Juficha ug ilang gipadayag ang dakong kasubo sa pagkawala niini.
Si beauty queen Putri, usa usab sa mga runner-up sa Miss Grand Indonesia 2025.
Sigon sa organisasyon, labaw pa sa usa ka beauty queen si Putri tungod kay nahimo siyang kabahin sa ilang “Grand family” ug nakatandog sa kasing-kasing sa daghang tawo pinaagi sa iyang kaanyag, kusog ug personalidad.
Nagpaabot usab sila og pahasubo ug pag-ampo alang sa iyang pamilya ug mga minahal sa kinabuhi.
Ang kataposang post ni Putri sa Instagram gipatik niadtong Hulyo 21, kondiin nagpa-ambit siya og mga litrato sa iyang kaugalingon.
Nagkomento usab si Miss Earth 2025 Natálie Puškinová kondiin iyang gibutyag nga nasakitan siya sa balita ug nanghianut nga mopahulay na sa kalinaw si Putri.
Gipahibalo ang iyang kamatayon niadtong Biyernes, Agosto 14— nga mao unta sa iyang ika-26 nga adlaw nga natawhan ug sa pagkakaron, wala pa gibutyag ang hinungdan sa iyang kamatayon.
