BUTUAN CITY – Andam isakripisyo sa 21-anyos nga si Pinay tennis star Alex Eala ang pagsalmot sa dakong Women’s Tennis Association kon WTA tour aron masakmit ang gipangandoy nga bulawang medalya alang sa 20th Asian Games nga himuon sa Nagoya, Japan.
Sigon ni Philippine Lawn Tennis Association Executive Director Antonette Mendoza, makig-alayon sila sa WTA aron tugutan si Eala nga laktawan ang China Open nga gitaksda sa Septembre 30 hangtud Oktubre 11 aron maka-focus kini sa iyang training alang sa nagkaduol nga Asian Games.
Kini human nag nag-overlap ang eskedyol sa China Open nga duna’y dakong premyo ug ranking points, ngadto sa Asian Games nga gitakda sa Septembre 27 hangtud Oktubre 3.
Bisan pa man sa posibleng mawala nga dakong premyo ug puntos sa dili pag-apil sa China Open, apan mas gipili ni Eala ang pag-apil sa Asian Games aron makasakmit og gold medal nga dugay na niyang gidamgong makuha ug aron irepresenta ang Pilipinas.
