BUTUAN CITY- Halos ming-doble na ang kadaot sa sektor sa agrikultura tungod sa hini-usang epekto sa miaging bagyong Luis ug Maymay, ug habagat.
Sa pinakanbag-ong datos gikan sa Department of Agriculture (DA), minghapak na sa P689.66 million ang kantidad sa kadaot sa mga kataladman sa sektor sa agrickultura sa nasud.
Mingsaka kini gikan sa P347.37 million nga gitaho sa ahensiya niadtong Miyerkules.
Gawas niini, apektado ang 21,115 ka mag-uuma sa Ilocos Region, Cagayan Valley, Central Luzon, Calabarzon, Mimaropa ug Western Visayas.
Kini human madaot sa mga bagyo ang kapin 17,000 metrikong tonelada sa farm produce ug kapin 19,000 ka ektarya sa umahan.
Unang na-apektuhang commodities mao ang bugas, gisundan sa mais, saging, high value crops, livestock ug poultry, agricultural infrastructures, machineries ug equipment.
Gilaoman usab sa sektor sa magsasaka nga madugangan pa kini samtang nagpadayon ang gihimong damage assessment ug validation sa mga apektadong rehiyon.
