BUTUAN CITY- Nanumpa na isip miyembro sa parlamento alang sa Makerfield si Andy Burnham pila ka oras human gi-anunyso ni Keir Starmer ang iyang pagbiya sa liderato sa Labour Party.
Sa sayong bahin, mipadayag si Burnham sa iyang tinguha nga mopuli isip lider sa partido ug nakadawat og suporta gikan kang Wes Streeting, nga kaniadto usab nagpahibalo nga mokandidato sa bisan unsang leadership race. Human sa iyang pagpanumpa, gisugat si Burnham sa kusog nga pagdayeg ug pagsinggit sa kapin 200 ka mga Labour Member of parliaments sa Westminster Hall, timailhan sa lig-on nga suporta nga iyang natigom.
Samtang naghisgot gawas sa Number 10 Downing Street, gidayeg ug emosyonal nga nagpasalamat si Starmer sa iyang pamilya ug dayong butyag nga gusto niining mahimong mas maayong amahan sa iyang mga anak. Bisan mipahawa na siya sa liderato sa partido, nagpabilin kining Punong Ministro hangtod mapili ang iyang mopuli, nga gilauman mahitabo sa dili pa o sa pagbalik sa parlamento sa bulan sa Setyembre.
