BUTUAN CITY- Natapos sa bag-ong makasaysayang kalampusan ang 2026 season ni Filipina tennis star Alex Eala human mingsaka sa ika-15 nga puwesto sa pinakabag-ong Womens Tennis Association kon WTA rankings.
Gikan sa kanhi world No. 19 nga sa kadugayan nahimong World No. 17 mingsaka og duha ka pwesto si Eala human makab-ot ang finals sa 2026 Hong Kong Open.
Sa edad nga 21-anyos, nagpabilin kini sa pinakataas nga rango sa mga players gikan sa Southeast Asia ug ika-duha usab sa Asya. Nalabwan niini ang four-time Grand Slam champion nga si Naomi Osaka sa Japan. Sa live rankings, dala ni Eala ang 2,392 points.
Gikan sa world No. 53 sa pagsugod sa tuig, mingsaka si Eala sa 38 nga puwesto human nakigsangka sa 29 ka torneyo ug nakuha ang unang Tour-level title niini sa Washington, D.C.
