BUTUAN CITY – Gitimbaya ni Pangulong Ferdinand Marcos Jr. si Alex Eala human kini nakasulod sa ikatulong round sa Wimbledon 2026 ug gipamatud-an nga usa siya ka world-class nga atleta ug inspirasyon sa kabatan-unang Pilipino.
Sa iyang pag-atubang sa mga tigbalita didto sa Canada, gipadayag niini nga daghan pa ang mapakita ni Eala sa kalibutan sa tennis kinsa padayon nga naghatag ug dungog sa nasud.
Nakita na matud pa niya sa pagsugod pa lang ni Alex ang maayong abilidad niini sa tennis ug karon napamatud-an na niini sa tibuok kalibutan nga kaya niyang makig-compete sa mga world-class athletes.
Gihangyo usab ni Pangulong Marcos ang katawhan nga ipadayon ang suporta kang Eala, uban sa mensahe nga ang tibuok katawhang Pilipino nagsunod sa iyang pakigbisog alang sa Pilipinas.
