BUTUAN CITY – Nagpabiling COVID free ang Agusan del Norte Provincial Jail, base na sa pagkumpirma ni jail warden Fermin Antenorio sa eksklusibong pakighinabi sa Bombo Radyo Butuan.
Nagpasalamat ang opisyal tungod kay taliwa nga pangkalibutanong problema sa panglawas ang COVID-19, hangtud karon, wala’y na-igo niini sa iyang mga peprsonahe ug sa ilang mga persons deprived with liberty kon mga piniriso tungod na usab sa lig-on nilang immune system.
Giklaro pa sa opisyal nga nagpaduaw na sila sa ilang mga pasahero human niya kini gihangyo ngadto kang Governor Dale Corvera ilabina nga dili nil matubag ang nag-unang panginahanglanon sa mga piniriso gawas lamang sa ilang mga pagkaon.
Apan ang pagpangdawat nila og dalaw ilang gipang-cluster ang mga lungsod aron malikayan ang panagtapok rason nga kada-adlaw, mudawat lang sila og napulo ka mga dalaw.
Hugot nga mga health protocols usab ang ilang gipatuman diha sa mga mubisita aron masigurong wala’y matigayong tinakdanay.
