BUTUAN CITY – Na-turn over na sa pamilya Granada ngadto sa ginsakpan sa CENRO ang usa ka agila nga napalgan ug nadakpan nila kagahapon sa alas-tres sa hapon sa umahan nila sa Brgy. Del Pilar, Cabadbaran City sa lalawigan sa Agusan del Norte.
Sa eksklusibong pakighinabi sa Bombo Radyo Butuan, gipadayag ni Michelle Granada, residente sa Horizon Village sa Brgy. San Vicente ning siyudad, ang iyang manghod nga si Gabriel ang nakakita sa agila nga gigukod matud pa sa mga uwak sa kawayanan nga bahin sa ilang farm sa Brgy. Del Pilar, Cabadbaran City.
Tungod kay naluya na sa ginukdanay, yanong nadakpan sa iyang manghod ang agila kansa dili mukaon bisan og bahugan nila og karne.
Dali silang nanawag og mga personahe sa Department of Environment and Natural Resources kon DENR rason nga nakuha kini kaganinang alas-8:30 sa buntag ug gitu-uhan sa taga-DENR nga gikan kini sa lasang sa Brgy. Pirada sa susamang siyudad.
