BUTUAN CITY- Mipagawas og kusog nga pamahayag ang aktress nga si Nadine Lustre sa iyang Instagram community channel, diin iyang giatake ang nagpadayon nga mga isyu sa nasud sama sa dili patas nga pagtahod sa mga lokal sa Siargao, pagpang-abuso sa mga mananap, ug pagpamutol sa mga kahoy.
Si Nadine, dugay nang nagpuyo sa Siargao sukad sa pandemya, mipadayag sa iyang kabalaka sa pagtrato sa mga bisita sa lokal nga komunidad ug sa padayon nga agresyon ug kawalay respeto nga ilang nasinati. Iya usab giatake ang pagpang-abuso sa mga mananap kansa giisip nga walay bili ug ang pagpamutol sa mga kahoy alang sa gitawag nga “kalamboan,” diin alang kaniya usa ka pabalik nga lakang.
Ang iyang pamahayag misangko sa kasamtangang kontrobersiya sa pagpangputol sa mga kahoy sa Manila nga nagduso og protesta ug petisyon. Sa katapusan, iyang gipahinumdom ang publiko nga magpuyo uban sa mas dakong pagmatngon, gugma, ug respeto alang sa komunidad, kinaiyahan, ug tanang buhi nga binuhat.
