BUTUAN CITY- Walay gisayang nga oras ang Gilas Pilipinas ug gilayon nga nagbansay pag-abot sa Malaysia.
Anaa sa Malaysia na ang Gilas alang sa pagpangandam sa Fifth Window sa FIBA Basketball World Cup Asian Qualifiers.
Kadaghanan sa mga Gilas players dungan nga mingbyahe sa Malaysia gikan sa Pilipinas nga gilangkoban nila Kai Sotto, Dwight Ramos, Kevin Quiambao, Scottie Thompson, Cjay Perez, Troy Rosario, Chris Newsome, ug Juan Gomez de Liano.
Samtang mingderitso gikan sa Japan sila AJ Edu, Mike Phillips, ug Quentin Millora-Brown.
Sa mga sunod nga aldaw modungan si Beannie Boatwright tungod adunay mga commitments pa kini sa iyang Chinese ballclub.
Nagtuo si Gilas coach Tim Cone nga igo na ang unom ka adlaw alang sa pagbansay kung asa gilaoman niini nga mamaster ni Boatwright ang sistema sa dula
Unang maka-atbang sa Gilas ang Syria sa Nobyembre 27 samtang ang Iran sa umalabot nga Nobyembre 29.












