BUTUAN CITY- Patay ang 19 ka pasahero sa usa ka Russian military plane human kining nahagsa sa Siberia.
Natala ang pagkahagsa sa usa ka An-12 aircraft panahon sa scheduled flight niini sa usa ka uninhabited area sa Kemerovo region, Siberia, sumala sa ministry defense sa nasud.
Bisan paman, kasamtangan nang minghimo og imbestigasyon ang mga awtoridad, sigon sa ministro, posibleng resulta sa teknikal isyu ang hinungdan sa pagkahagsa sa maong eroplano.
Sigon sa lokal nga gobernador sa rehiyon, gilayon nga gipokan sa emergency response ang kalayo gikan sa crash site duol sa baryo sa Yagunovo. Gikordon na usab sa mga pulis ang lugar nga nahagsaan sa eroplano.
Gimobalisa na usab sa lokal nga pangamhanan ang usa ka helicopter ug ang medical facilities niini aron mahatagan ug tambal ugaling adunay manginahanglan.
Wala pa usab nasuta kung aduna pa’y kargamentong sakay ang maong eroplano.












