-- ADVERTISEMENT --

BUTUAN CITY – Sugdan na sa tuig 2027 ang rehabilitasyon ug pagpa-ayo sa Rizal Memorial Football Stadium human napormalisar ang kasabutan tali sa Philippine Sports Commission (PSC), Philippine Football Federation (PFF) ug FIFA.

Pinaagi sa gipirmahang Memorandum of Agreement o MOA, mupagawas ang FIFA og 25 million dolyares kon kapin sa 1.6 bilyones pisos alang sa pagpalambo sa sports sa Pilipinas.

Personal nga mitambong sa pagpirma sa kasabutan si FIFA President Gianni Infantino, kauban sila Executive Secretary Ralph Recto, PSC Chairman Patrick Gregorio ug PFF President John Gutierrez.

Sa maong pondo, 13-million dollars o kapin sa 831-milyones pisos ang igahin alang sa komprehensibong rehabilitasyon sa Rizal Memorial Football Stadium, nga himoon nga walay gasto nga pas-anon ang gobyerno sa Pilipinas.

Sigon ni Infantino, mahimong bililhong kabtangan sa nasud ang maong stadium tungod kay mahimo kining venue sa mga duwa ug kompetisyon nga apilan sa mga magdudula gikan sa lain-laing nasud.

-- ADVERTISEMENT --

Gila-uman nga pinaagi sa maong proyekto, mas mapalambo ang imprastraktura sa football sa Pilipinas ug mas mapalig-on ang kapasidad sa nasud sa pagpahigayon og mga internasyonal nga kompetisyon, nga mahimong garbo sa matag Pilipino.
.