Unom patay sa pagpamusil sa Krakow City sa Poland

BUTUAN CITY – Unom ka tawo ang namatay ug 16 ang angol human sa pagpamusil sa sentrong bahin sa siyudad sa Krakow, Poland kaganina.

Base sa report, gipusil sa suspek ang mga tawo sa Main Market Square, usa sa mga sikat nga lugar sa mga turista hinungdan sa pagkamatay sa upat ka mga babaye ug duha ka lalaki lakip na ang usa ka British national.

Nadakpan sa kapulisan ang suspek nga usa ka Polish national human kini nasamdan atol sa operasyon ug narekober usab sa iyang sakyanan ang mga armas ug bala.

Gisusi sa mga otoridad ang posibleng motibo sa maong pag-atake, lakip ang alegasyon nga nalambigit ang suspek sa radikal nga ideolohiya.

Padayon usab ang imbestigasyon aron matino ang kinatibuk-ang sirkumstansiya sa maong insidente.