BUTUAN CITY- Gikomperma sa Department of Migrant Workers (DMW) nga usa ka Filipino seafarer ang patay ug usa usab ang angol sa gisakyan nilang barko sa Persian Gulf.
Sumala ni Secretary Hans Leo Cacdac, parte ang mga na-angol nga Pinoy crew sa Marshall Islands-flagged tanker nga MT Velos Sapphire.
Base sa unang imbestigasyon, ming-igo ang unidentified projectile nga nagresulta sa pagkasunog sa barko niadtong Huwebes pasado ala-1 sa sayong kabuntagon.
Adunay 22 ka mga Pilipino ang sakay sa barko dihang nahitabo ang insidente.
Padulong sa Bahrain ang barko dihang mahitabo ang pag-atake.
Padayon usab ang gihimong pagtabang sa DMW sa mga na-angol nga biktima.
Masaligon usab ang manager sa barko nga possibleng usa ka klase sa missile ang ming-igo sa barko.
Nakig-koordinar na usab ang DMW sa manning agency sa barko alang sa luwas nga pagpa-uli sa mga nakaluwas nga Pinoy.
