BUTUAN CITY- Gitubag ni National Bureau of Investigation Dir. Atty. Melvin Matibag ang pag-ila ni Vice President Sara Duterte niini isip ‘nobody’.
Gi-angkon usab ni NBI Dir. Matibag nga ma-ingong ‘nobody’ kini kung ang himuong basehan mao ang pagka-adunay mansyon ug negosyo.
‘Nobody’ usab matud pa kini kung ang basehan ang nadawat nga kwarta gikan sa Chinese state-owned companies.
Bisan pa niana, gipasalig nga magpadayon ang buhatan sa pagtuman sa ilang mandato, ug gilauman nga dili mohunong ang imbestigasyon.
Kahinumdumang gibutyag ni Vice President Sara Duterte nga kini dili interesado sa maontg direktor human gi-awhag nga pagpasaka og kaso kung adunay sayop gihimong pag-iimbestiga niini.
Adunay forum na matud pa ang Office of the Ombudsman ug Senate Impeachment Court aron husto nga tubagon ang mga alegasyon kalabot sa SALN o Statement of Assets, Liabilities, and Net Worth niini. (AUDIO VIDEO OF NAT’L-2A…CUE OUT….). Si National Bureau of Investigation Dir. Atty. Melvin Matibag.
Samtang, nagtuo usab si Partido Demokratiko Pilipino Lakas ng Bayan kon PDP Laban National Spokesperson Atty. Ferdinand Topacio, nga scripted ang pag-imbestiga sa maong departamento sa mga Duterte. Isip tigpamaba sa Partido, masaligon matud pa kini nga choreograph o planado ang gihimong imbestigasyon. Sigon niini, nga parte matud pa kini sa pattern sa pagpanglupig kang Vice President Sara Duterte, subay sa gi-atubang niini nga impeachment trial sa Senado. (AUDIO VIDEO OF NAT’L-2B…CUE OUT…) Si Partido Demokratiko Pilipino Lakas ng Bayan kon PDP Laban National Spokesperson Atty. Ferdinand Topacio.
Sa kasamtangan anaa sa Ombudsman na ang mga ebidensya sa Departamento kalabot sa matud pa miss-declared properties sa Bise Presidente sa SALN niini.
