BUTUAN CITY- Andam ang Philippine Tennis Association (PHILTA) nga maghatag og wildcard entry kang Alex Eala para sa WTA 125 Philippine Women’s Open sa Enero 2027, apan wala pay opisyal nga kumpirmasyon sa paglakip niini.
Sumala sa PHILTA Secretary General John Rey Tiangco, nakapukos karun si Eala sa mga nabiling kompetisyon niini karung tuiga mao nga girespito sa ahensya ang desisyon sa grupo niini.
Gipadayag sa opisyal nga usa ka dakong milestone alang sa nasud ang pag-host og WTA tournament sa Maynila tungod magdala kini sa kompetisyon nga world-class nga mas duol sa mga Pilipinong fans.
Ang maong pamahayag subay sa bag-ohay lang nga sayong pagpalagpot kang Eala sa pareho nga singles ug doubles events nga gipahigayon sa Wuhan Open sa China.
Gawas sa kawala pay kasiguraduhan sa partisipasyon niini, gilaoman nga mahimong importanteng platform ang makasaysayang torneo aron masulayan ang kahanas sa mga lokal nga atleta batok sa mga kakompetensya gikan sa ubang nasud.
