BUTUAN CITY – Gi-utingkay sa mga pulis ang balay sa 16-anyos nga suspek sa duguong pagpamusil sa Silver Rail Elementary School sa Bend City, Oregon, sa Estados Unidos, isip kabahin sa nagpadayong imbestigasyon sa maong insidente.
Gisusi sa mga imbestigador ang mga elektronikong himan ug uban pang posibleng ebidensiya nga makatabang sa pagtino sa motibo sa suspek.
Lakip sa ilang gipunting ang cellphone, computer ug online activity niini aron masuta kon adunay mga tima-ilhan nga maghtag og katin-aw sa maong nahitabo.
Sa maong pagpamusil, upat ka tawo, lakip ang tulo ka bata ug usa ka magtutudlo, ang gikataho nga namatay, samtang duha pa ang nasamdan. Namatay usab ang suspek human siya gipusil sa usa ka ginikanan nga misulay pagpugong kaniya sulod sa eskuylahan.
Wala pa hingpit nga mapamatud-i sa mga otoridad ang motibo sa pagpamusil, samtang nagpadayon ang ilang pagsusi sa mga ebidensiya nga nakuha sa balay sa suspek ug sa uban pang posibleng may kalabotan sa insidente.
Gila-uman nga ang dugang resulta sa imbestigasyon makatabang sa pagtino sa mga hinungdan sa maong pagpamusil ug kung adunay mga timailhan nga wala matagad sa wala pa nahitabo ang kremin.
