BUTUAN CITY – Bisan og na-shock ug nabalaka sa balitang duna’y lung cancer si Pope Leo XIV, gipadayag ni Rev. Fr. Glenn Adam Abamonga, tigpamaba sa Diocese of Butuan, nga usa ang diocese sa ubang mga simbahang Katoliko nga nag-ampo alang sa kaayuhan sa pontiff human kini malampusong na-operahan.
Sa eksklusibong pakighinabi sa Bombo Radyo Butuan, gipadayag ni Fr Abamonga nga naghatag og paglaom sa kinatibuk-ang simbahan ang pamahayag sa mga doktor kabahin sa posibilidad sa pagkaayo sa Santo Papa uban sa ilang paningkamot nga mapangitaan kini og saktong tambal batuk sa iyang gihambing pulmonary adenocarcinoma, usa ka matang sa kanser sa baga.
Tungod niini, gi-awhag ni Fr. Abamonga ang tanang magtutuo nga maghiusa sa pag-ampo alang sa kahimsog ug hingpit nga pagkaayo sa Santo Papa dayong awhag nga dili usab kalimtan sa ilang mga pag-ampo ang ubang mga igsoon nga nag-antos sa nagkalain-laing mga sakit.
