BUTUAN CITY- Nakatala ang Bacolod City karung tuiga og unom ka namatay tungod sa Dengue.
Usa ka 8-anyos nga batang babae ang mingtaliwan gikan sa Barangay Handumanan tungod sa grabeng implikasyon sa mosquito-borne virus.
Sumala sa City Health Office mingsurrender na ang lawas sa bata tungod sa multiple organ dysfunction syndrome secondary to severe dengue, dengue hemorrhagic shock, pulmonary hemorrhage, ug usa ka wala matumbok nga sepsis. Nagsugod matud pa nga nakasinati ang bata niadtong September 28, ug naka-sinati og taas hilanat.
Gawas sa Barangay handumanan, adunay duha usab nga namatay sa Barangay Mansilingan, samtang tag-usa usab sa Barangay Villamonte ug Granada.
Sumala sa City Health Office sa Bacolod City, nakatala na sila og 891 dengue cases sukad pa niadtong January 1 hangtud noong October 3.
Ming-abot usab sa 1.5 percent ang gisaka sa ihap karung tuiga kung asa nakatala og 878 na ka kaso ug gikamatay sa unom ka indibidwal..
Natala usab ang adunay pinakataas nga dengue cases sa mga barangay sa Mansilingan diin adunay 105 ka kaso, Handumanan 77, Estefania 73, Alijs 58, Granada 55, Villamonte 54, Taculing 54, Singcang 53, Tangub 44 ug Banago diin nakatala og 39 ka kaso sa dengue.
Gi-awhag usab sa City Health Office ang publiko sa Bacolod City nga gilayong magpakonsulta sa doktor ug mga eksperto aron mahatagan og medical attention adiser paman makasinati og senyales sa hilanat, pagsuka, sakit sa tiyan, o pagdugo sa ilong. Gi-insistar usab sa CHO, nga dili magsalig sa self-medication o home treatments.
