BUTUAN CITY- Nagpadayon ang Nepal rescue team sa pagpangita sa 12 ka indibidwal kinsa gitahong missing human gi-ingong naanod tungod sa avalanche sa Mount Himlung, diin labing menos upat ang namatay taliwala sa grabe nga panahon.
Nakarekober ang mga rescuers og duha pa ka lawas, dugang sa duha nga nakit-an niadtong Domingo, samtang napulo ka tawo ang naluwas human matabonan sa niyebe ang mga tolda sa base camp sa 7,126-metros nga bukid.
Ang walo ka eksperyensiyadong mountain guide gikan sa Nepal National Mountain Guide Association nanguna sa operasyon samtang milambo ang kahimtang sa panahon. Ang tanang namatay ug missing mga Nepali nationals kinsa nangandam alang unta sa umalabot nga mga foreign mountaineer sa autumn climbing season.
Dugang pa, ang kusog nga ulan mingresulta og pagbaha ug landslide sa Manang district diin nahimutang ang bukid, samtang sumala sa disaster management agency sa Nepal, laing 21 ka tawo ang namatay ug lima ang missing sa nagkalain-laing bahin sa nasod gikan Huwebes human usab sa makamatay nga pagbaha niadtong Agosto nga mikalas sa kapin 1,400 ka kinabuhi ug nagbilin og hapit 6,000 nga missing.
