BUTUAN CITY- Masinati na ugmang adlawa ang pagkunhod sa presyo sa produktong petrolyo diin asa base sa abiso sa Department of Energy kon DOE, mo kungod og P7.57 matag litro ang diesel, 24 sentabos matag litro ang ikunhod sa gasolina, ug P5.85 matag litro sa kerosene.
Bisan pa niini, misaka na og kapin P18 kada litro ang diesel ug kapin P15 kada litro ang gasolina sukad Septiyembre 8, tungod sa epekto sa gubat tali sa US ug Israel batok sa Iran.
Samtang, gilauman ni US President Donald Trump nga mopadayon pag-usab ang negosasyon tali sa Washington ug Tehran sa umaabot nga semana, bisan pa sa pagsalikway niini sa sugyot sa Iran alang sa pito ka adlaw nga hunong-buto ug pag-abli pag-usab sa Strait of Hormuz.
Ang maong agianan sa dagat importante sa global nga suplay sa enerhiya ug nahimong sentro sa tensiyon tali sa duha ka nasod.
Gisugyot sa Iran ang paghunong sa mga pag-atake sa Middle East ug pagbalik sa mga kondisyon sa miaging kasabutan, lakip ang pagtangtang sa mga silot batok sa lana sa Iran, samtang giakusahan sa embahador sa US sa United Nations nga sobra ang gipangayo sa Tehran isip kondisyon sa pagbalik sa negosasyon.
