BUTUAN CITY – Magpadayon ang impeachment trial batok kang Vice President Sara Duterte bisan pa og aduna’y duha ka mga petisyon nga gisang-at sa Supreme Court bahin sa bag-ong desisyon sa Senate Impeachment Court kalabot sa 2/3-vote threshold.
Sumala ni Impeachment Court Spokesperson Atty. Reginald Tongol, sundon gihapon ang eskedyul nga una nang gipagawas sa maong korte bisna og gi-ila sa korte ang duha ka managlahing petition for certiorari nga gisang-at nila Atty. Victor Rodriguez ug Atty. Ernesto Francisco. Saigon ni Atty Tongol, katungdanan sa impeachment court nga ipadayon ang impeachment trial.
Ugmang adlawa Lunes, September 28, ipatawag pag-usab ang gitakdang witness sa prosecution alang sa regular nga direct examination ug cross-examination.
Madumdumang gihangyo sa maong mga petition ang pagpagawas og temporary restraining order ug status quo ante order aron mapugngan ang pagpatuman sa desisyon bahin sa 2/3-vote threshold.
Sigon ni Atty. Tongol, wala pa makadawat og opisyal nga notice o kopya sa mga petition ang Senate Impeachment Court, ug wala pa usab kini makadawat og bisan unsang direktiba gikan sa Supreme Court.
Tungod niini, dili pa mahimong mulihok ang impeachment court base lamang sa mga balita nga adunay nagsang-at na og petition aron kuwestyunon ang naha-unang desisyon sa mga senator-judges.
Girespeto usab sa Senado ang hurisdiksyon ug kagawasan sa Supreme Court.
