BUTUAN CITY – Duna’y himuong hini-usang lihok-protesta ang mga cause-oriented groups nga pangunahan sa Kilusang Bayan Laban sa Kurapsyon kon KBLK karong Septembre 21 atol sa ika-54 nga kasumaran sa deklarasyon sa martial law aron ipasibaw ngadto sa nasudnong kagamhanan nga nasinatian gihapon karon sa katawhang Filipino ang nasinatian niadtong panahon sa diktadoriya ni anhing Pangulong Ferdinand Marcos Sr.
Sa eksklusibong pakighinabi sa Bombo Radyo Butuan, gipadayag ni kanhi Alliance of Concerned Teachers kon ACT Teachers partylist Rep France Castro nga sugdan nila ang lihok-protesta pasado alas-tres sa hapon sa may Liwasang Bonifacio ug ipadayon ka-uban ang grupong Bagong Alyansang Makabayan kon BAYAN padulong ngadto sa Mendiola.
Sigon ni Castro, ang himuon nilang lihok protesta nga bansagan nilang ‘Bahain ng Protesta,’ nagtinguha nga ipa-abot ngadto sa administrasyon ni Pangulong Ferdinand Marcos Jr nga gukdon ug paatubagon ang tanang nalambigit sa halapad nga kurapsyon nga maoy nagpalisod sa kinabuhi sa kinabag-ang Filipino.
