BUTUAN CITY – Wala gipaporma sa Philippine Women’s National Football Team kon Filipinas ang Hong Kong human nila kini giparot sa score nga 2-0 sa nagpadayong 2026 Asian Games didto sa Japan.
Si Skye Leach ang unang nakapuntos alang sa Filipinas sa ika-12 nga minuto sa duwa kondiin kini ang iyang unang international goal alang sa national team.
Sa ika-63 nga minuto, nadugangan ni Mallie Ramirez ang abante sa Filipinas human niya ma-igo ang cross ni Megan Murray kondiin mao kini ang ikatulong international goal ni Ramirez.
Naningkamot ang Hong Kong nga makapuntos ug makabalik sa duwa, apan napugngan sila sa lig-on nga depensa sa Filipinas, lakip na ang maayong pagpanalipod sa goalkeeper nga si Olivia McDaniel.
Tungod sa kadaugan, naka-angkon ang Filipinas og upat ka puntos gikan sa usa ka daog ug usa ka draw. Anaa sila sa ikaduhang puwesto sa Group G ug nakasiguro na og puwesto sa quarterfinals.
Sa sunod nilang duwa, atubangon sa Filipinas ang China karong Septyembre 21.
