BUTUAN CITY- Siguraduhon sa House of Representatives nga husto og klaro ang paggamit sa matag sentimo sa sugyot nga P7.2-trilion national budget alang sa 2027.
Kini ang gisiguro ni House Speaker Faustino “Bojie” Dy III.
Sumala ni Dy, hugot nga susihon sa Kamara ang mga proposed budget sa matag ahensya aron masiguro nga mapadulong kini sa mga programang adunay direktang pakinabang sa mga Pilipino.
Sigon sa Speaker, importante ang transparency sa paghisgot sa budget aron masuta kung asa gastuhon ang kwarta sa katawgab ug kung unsa ang mahimong resulta niini sa komunidad.
Gihatagan og ginbug-aton usab niini nga kinahanglang adunay klaro nga epekto sa panginabuhi-an ug kalidad sa kinabuhi sa mga pamilya ang matag pondong gigahin sa mga proyekto.
Nakumpleto na sa House Committee on Appropriations ang hearing sa mga ahensya alang sa proposed 2027 budget. Gipangayo sa mga departamento ug ahensya nga ipasabot ang ilang mga gipangayong pondo, programa, target ug prayoridad.
“Ang Kongreso ngayon ay pinagsisikapan namin na talagang maging maayos, maging transparent ang bawat pagtatalakay ng bawat budget ng mga iba’t ibang mga departments,”pahayag ni Speaker Dy.
