BUTUAN CITY – Padayon ang koordinasyon sa Butuan City Government ug mga Barangay uban ang Quick Response Team aron mapadali ang water rationing sa mga barangay nga apektado sa water shortage.
Sa emergency meeting, gimando ni Mayor Law Fortun nga ang City Government na ang maoy direktang manguna sa pag-coordinate ug pagpadala sa tanang water tanker alang sa water rationing sa mga apektadong barangay.
Gipangayo ni Mayor Law Fortun ang tabang sa mga external partners aron madugangan ang water tankers nga makahatod og tubig sa mga apektadong barangay apil na ang pagpadali sa pagpalit og kaugalingong water trucks ug storage tanks aron mas mapaspasan ang pagtasyon sa tubig.
Kauban ang mga Punong Barangay sa frontline teams sa Butuan City Government sa pagpatuman sa water rationing aron masiguro nga maka-abot ang tubig ngadto sa mga panimalay nga nanginahanglan.
Padayon ang City Government sa paghatag og tubig sa mga apektadong barangay ug paggamit sa tanang available nga resources aron matubag dayon ang panginahanglan sa mga residente.
