-- ADVERTISEMENT --
BUTUAN CITY- Nabahin ang Senado sa panukalang pag-usab sa termino sa mga opisyal sa barangay ug Sangguniang Kabataan o SK, nga may kalabotan sa nakatakdang Barangay and Sangguniang Kabataan Elections o BSKE karong Nobyembre 2, 2026.
Sumala ni Senator Miguel Zubiri, gusto ni Senador Chiz Escudero nga mohimo dayon og desisyon ang Senado pabor man o supak sa panukala aron adunay klarong direksyon ang Commission on Elections kon COMELEC sa pagpangandam alang sa eleksyon.
Giklaro usab ni Zubiri nga dili postponement sa eleksyon ang tumong sa panukala ni Escudero kondili ang pag-ayo o pagtakda sa termino sa mga opisyal.
Ubos sa Senate Bill No. 2387, gisugyot nga himuong lima ka tuig ang termino sa mga opisyal sa barangay ug Sangguniang Kabataan.
