BUTUAN CITY- Nagsugod og bag-ong kapitulo sa kasaysayan ang Norway kagahapong adlawa Sabado ubos sa bag-ong Hari nga si King Haakon VIII human mingtaliwan ang iyang amahan nga si King Harald sa edad nga 89-anyos, kinsa milingkod sa trono sulod sa 35 ka tuig.
Gideklarar ang nasudnong panahon sa pagbangutan, samtang liboan ka mga Norwegian ang nagtigom sa Oslo aron maghatag og pasidungog kang Harald, nga nailhan isip usa ka naghiusa ug duol sa katawhan nga monarko.
Si Haakon, usa ka 53-anyos, pormal nga mipuli sa trono ug gilauman nga manumpa sa atubangan sa parliament karung Martes September 1, samtang wala nay seremonya sa koronasyon sa Norway sukad kini giwagtang niadtong 1908.
Si Harald, nga usa sa labing tigulang nga naghari nga monarko sa Europe, giila tungod sa iyang moderno ug mapailubon nga pagpangulo, lakip ang iyang mga mensahe sa panaghiusa human sa 2011 massacre sa Norway.
Bisan pa niini, nakasinati og daghang kontrobersiya ang harianong pamilya sa miaging tuig, lakip ang mga isyu nga nalambigit sa pamilya ni Haakon ug sa iyang asawa nga si Mette-Marit.
