BUTUAN CITY – Usa ka humanoid robot ang nakatala og mas paspas nga oras kaysa sa 100-meter sprint record ni Usain Bolt.
Sa gipahigayong World Humanoid Robot Games sa China, nakatala ang robot nga gibansagan og “Lightning” og 9.39-segundos sa 100-meter race kansa mas paspas kaysa sa 9.58-segundos nga world record ni Bolt nga iyang nahimo niadtong 2009.
Si Lightning gihimo sa Beijing Innovation Centre of Humanoid Robotics ug nakadaog batok sa laing robot nga gihimo usab sa China.
Mi-abot sa 2,000 ka mga robots gikan sa 16 ka nasod ang mi-apil sa nagkalain-laing kompetisyon sa maong event kondiin gawas sa running, aduna usa’y boxing ug football, ug apil usab ang mga buluhaton sa balay sama sa pagpilo sa mga sinina.
Gipakita sa maong kompetisyon kung unsa na kadako ang kalamboan sa teknolohiya sa humanoid robots ug sa ilang abilidad sa paglihok sama sa tawo.
