BUTUAN CITY – Sulod na sa ikatulong round ng US Open si Pinay tennis star Alex Eala human gipildi si Oleksandra Oliynykova sa Ukraine sa score nga 6-1, 6-4.
Sa unang set pa lamang, dominado na sa seeded 17 sa torneo nga si Eala ang away nila nga gipahigayon sa Louis Armstrong Stadium.
Pagsulod sa ikaduhang set, nakagukod og dyutay si Oliynykova apan wala pasagdi ni Eala nga mu-abot pa sa ikatulong set rason nga gitapos na niya ang dula.
Ang maong resulta, makonsiderang panimalos ni Eala sa Ukrainian tennis player nga unang miparot kaniya niadtong Mayo atol sa Strasbourg tournament.
Kini usab ang unang higayon nga nakasulod sa ikatulong round sa US Open si Eala tungod kay ning mi-aging tuig, kutob lang siya sa ikaduhang round.
Sunod niyang maka-agbat ang mudaog tali nila Francesca Jones sa United Kingdom ug Iva Jovic sa US.
