BUTUAN CITY- Andam nang makigsangka ang Filipina tennis star nga si Alexandra “Alex” Eala batok sa American Tennis Player nga si Mary Stoiana sa unang hugna sa 2026 US Open women’s singles tournament nga magsugod karong Domingo o Lunes oras sa Pilipinas.
Si Stoiana, 23 anyos ug world No. 122, unang higayon nga makadula sa main draw sa US Open human makadaog sa qualifying matches batok nila Harmony Tan sa France, Katie Swan sa Britain ug Yue Yuan sa China, samtang si Eala mosulod isip No. 17 seed—ang iyang pinakataas nga seeding sa usa ka Grand Slam tournament.
Samtang wala pa gipahibalo ang eksaktong petsa ug oras sa ilang duwa, apan naglaum ang mga Pilipinong fans nga mapadayon ni Eala ang iyang makasaysayanong kampanya human siya nahimong unang Filipina nga nakadaog og main-draw match sa usa ka Grand Slam sa miaging tuig pinaagi sa iyang pag-abot sa ikaduhang hugna sa US Open.
