BUTUAN CITY- Ipadayon na usab sa Nepal ug China ang rescue operations sa mga lugar nga grabeng naigo sa baha sa rehiyon sa Himalayas, human nakaabot ang Chinese rescue team sa kontrobersiyal nga Gyirong border crossing niadtong Biyernes, diin unang nakasulod ang mga awtoridad sukad sa trahedya ug nakit-an ang lugar nga halos hingpit nang naguba.
Gituohang nagsugod ang katalagman sa pagkahugno sa dakong glacier niadtong Miyerkules nga nagpagawas og kusog nga dagan sa bato, yelo, lapok ug mga debris ngadto sa mga suba sa kabukiran.
Miabot na sa labing menos 579 ang kumpirmadong patay sa Nepal, samtang pito ang namatay sa Tibet, China, ug padayon ang pagpangita sa mga rescue personnel sa duha ka nasud sa gatusan ka mga tawo nga gikatahong nawala taliwala sa baga nga lapok ug grabeng kadaot sa imprastraktura.
