BUTUAN CITY- Mingsaka ang bili sa Philippine peso batok sa US dollar kagahapon Miyerkules human kini nagsira sa P61.65 matag dolyar, mas lig-on kumpara sa P61.73 niadtong miaging adlaw, apan misaka ang pagbaligya sa mga stocks nga maoy nakapahuyang sa Philippine Stock Exchange index kon PSEi, nga mikunhod og 0.86 % ngadto sa 6,137.23 points.
Sumala sa mga analista, nahimong maampingon ang mga investors human sa forecast sa Moody’s nga posibleng magpabiling ubos sa 6% ang pagtubo sa gross domestic product o GDP sa Pilipinas sa umalabot nga mga tuig, hinungdan nga daghang investors ang nagpili nga maghulat ug magbantay sa kahimtang sa ekonomiya.
Samtang misaka ang peso, ang sektor sa Services ang nanguna sa pagkunhod sa stock market, nga gisundan sa Property ug Holding Firms, tungod sa kabalaka sa mga investors sa panglantaw sa pagtubo sa ekonomiya sa nasud.
