BUTUAN CITY – Gi-anunsyo ni ni Brett Leatherman, Assistant Director sa Cyber Division sa Federal Bureau of Investigation kon FBI, nga nabungkag sa ilang ahensya ang usa ka global botnet nga gigamit sa Chinese state-sponsored hacking group nga QTFY.
Sigon sa FBI official, sulod sa pipila ka mga tuig, gigamit sa QTFY ang mga na-hack nga internet-connected devices aron itago ang tinuod nga gigikanan sa ilang cyberattacks batok sa mga kritikal nga imprastraktura sa Estados Unidos, lakip ang mga ahensya sa gobyerno, kompanya sa kuryente, telecommunications, ug mga ospital.
Base usab sa imbestigasyon sa FBI ug U.S. Department of Justice, nalambigit ang QTFY sa Nanjing Xinjiuwei Network Technology Company, nga gika-ingong namaligya og kinawat nga datos ug hacking services ngadto sa Chinese military ug intelligence agencies.
Lakip sa mga na-target sa maong grupo ang NASA, Federal Reserve, Department of Energy, Department of Justice, NIH, HHS, ug U.S. Senate.
Gisakmit sa mga awtoridad sa Amerika ang mga domain nga gigamit sa ilang hacking platforms, lakip ang QScan ug QTRouter, aron mapahunong ang operasyon sa botnet.
