BUTUAN CITY– Gisiguro ni Defense Counsel Spokesperson Atty. Michael Poa ang ka-andam nga i-counter ang gipagawas sa House Prosecution Panel nga controversial nga sensitibong isyu kalabot sa paggamit sa Office of the Vice President og mga intelligence fund.
Lakip sa mga niini ang gipagawas sa panel nga mga bag-ong pangalan nga dili kasagari sa pagdungog, pagtawag sa mga transaction sa OVP isip mga scam o unusual ug paggamit sa house panel nga dili angay nga mga pulong sama sa scam ug uban pang gipresenta sa house batok sa Bise Presidente.
Dihang napangutana si Atty. Poa kung unsaon pagdepensa sa kampo sa Bise Presidente ang maong isyu, sigon niini nga huwaton nalang sa publiko ang panahon sa defense nga magpresenta usab sa ilang kaso.
Sumala pa sa abogado, nasayod ang defense team sa epekto niini sa publiko kinsa nanan-aw sa nagpadayon nga presentasyon sa prosecution.
Bisan paman, dili usa makahatag og komento ang kampo ni Vice President Sarah ug ang subling apelang lang sa mga niini sa publiko mao ang huwaton ang panahon sa defense sa pagresenta sa ilang mga kaso.
Gipangutana usab si Atty. Michael Poa kung i-presenta si Col. Dante Lachica isip ilang witness, subay sa pangutana sa mga Senador kung ipa-atubang usab sa house prosecution panel ang maong opisyal.
Samtang sa pikas bahin, gitawag usab ni Poa isip “fake news” ang mga balita nga daw nagkita o nag-istoryahanay sila President Ferdinand Marcos Jr. ug Vice President Sara Duterte, taliwala sa nagpadayong impeachment trial batok sa bise presidente sa Senado niadtong Agosto 24. Sumala niini, walay kamatuoran ang maong mga alegasyon nga mikatag sa publiko, lakip ang mga taho nga nangayo matud pa si Duterte og iskedyul aron makigkita sa presidente samtang gihisgutan ang alegasyong misuse of confidential funds sa Office of the Vice President.
