BUTUAN CITY- Ming-usawag na ang gipasakang reklamo sa Bureau of Internal Revenue kon BIR, partikular na ang tax evasion nga nagkantidad og P2.228 bilyon batok sa Hongsheng Gaming Technology, Inc. sa Department of Justice kon DOJ.
Sumala sa buhatan, ang maong kompanya nga nagpadagan og offshore gaming activities sa nasud nag-atobang og mga reklamong underdeclaration nga kita, dili husto nga deklarasyon sa value-added tax kon VAT, ug pakyas mag-withhold ug mag-remit og final withholding tax alang sa mga foreign workers niini gikan taxable years 2021 hangtud 2023.
Minggawas sa imbestigasyon ug mga rekord gikan sa nagkanda-iyang ahensya sa gobyerno nga adunay dakong kalahi-an sa gidiklarang kita sa Hongsheng kumpara sa mga opisyal nda data, hinungdan nga ming-abot sa P2,227,759,311.21 ang deficiency tax liability niini.
Gihatagan og ginbug-aton usab ni BIR Commissioner Charlito Martin Mendoza nga padayon nilang depensahan ang mga matinoanong magbayad og buwis batok sa dayag nga maglikay sa tax evasion, dayong giinsistir nga walay negosyo nga angay makaginansya sa Pilipinas samtang naglikay sa mga obligasyon nga gitakda sa balaod.
Ang pagpasaka og kaso parte gihapon sa Run After Tax Evaders kon RATE Program sa BIR aron pahugtan ang pagpatuman og balaod batok sa mga trabaho nga makapakunhod sa kita sa gobyerno.
