BUTUAN CITY – Nagkagrabe ang tensyon karon sa Middle East tungod sa mga pag-atake sa mga rebeldeng Houthis sa Yemen kansa suportado sa Iran ug sa nagkadaghang security alliances sa Middle East.
Kini human gi-atake sa rebeldeng grupo ang Jazan oil refinery sa Saudi Arabia gamit ang drone, apan dali ra napalong ang sunog ug walay nasamdan.
Gi-atake usab sa Houthis ang Mocha port sa Yemen gamit ang missiles ug drones nga mikalas matud pa og pito ka mga tawo ug grabeng kadaot ang na-angkon sa pantalan.
Nahitabo kini pila ka adlaw human mipirma ang Saudi Arabia, Turkey, ug Pakistan og defense agreement, diin ang pag-atake sa usa ka nasod isipon nga pag-atake batok sa tulo.
Apan sigon sa Turkey, wala kini direktang nakatutok batok sa Iran o bisan unsang partikular nga nasod, kundili alang sa pagtinabangay sa seguridad.
