BUTUAN CITY – Patay ang walo ka mga tawo samtang laing 15 ang angol human ang pagpamusil sa sulod sa usa ka eskwelahan sa Thailand.
Sumala sa tigpamaba sa Thai National Police nga si Trairong Phiwphan, nahitabo ang insidente sa Debsirin Nonthaburi School sa Bang Kruai district, sa amihanan-kasadpan sa Bangkok kondiin patay usab ang gituohang suspek.
Sigon sa kapulisan, gipusil ug gipatay una sa suspek kinsa estudyante sa maong tunghaan, ang iyang mga apohan sa ilang balay sa wala pa siya miadto sa eskwelahan ug nagpabuto.
Dugang sa pulis, labing menos 26 ka bala ang gipabuto sa suspek, ug nakuha pa gikan kaniya ang 34 ka bala kondiin ang armas nga gigamit iya sa iyang apohan.
Tulo ka magtutudlo ug tulo ka estudyante ang namatay sa maong pagpamusil.
Mipadayag usab og pahasubo si Prime Minister Anutin Charnvirakul ug gimandoan ang mga ahensya nga tabangan ug atimanon ang mga biktima sa trahedya.
