BUTUAN CITY- Nanawagan si European Commission President Ursula von der Leyen og hiniusang aksyon sa mga nasod sa European Union aron palig-onon ang seguridad sa utlanan human nahitabong kagubot dihang ming-abot ang liboan ka mga migrante gikan sa Morocco paingon sa Spanish exclave nga Ceuta.
Gibanabana sa Spain nga kapin 69,500 ka migrante ang nakabalik na sa Morocco, samtang mikabat sa 72 ang namatay sa bahin sa Spain ug 11 sa Morocco tungod sa insidente.
Nagpahigayon usab og emergency video conference ang mga EU interior minister aron hisgutan ang krisis, samtang misamot ang tensyon tali sa pipila ka miyembro sa unyon tungod sa isyu sa Schengen agreement.
Sigon ni von der Leyen, responsibilidad sa tibuok Europe ang pagpanalipod sa ilang gawasnong utlanan ug gidasig ang pagpalig-on sa border controls, early warning systems, pakigbatok sa human smuggling networks, ug pagpalambo sa proseso sa pagbalik sa mga ilegal nga migrante.
Sa laing bahin, gipahayag ni Spanish Prime Minister Pedro Sánchez ang kabalaka sa mga kritisismo gikan sa ubang gobyerno sa Europe ug mingbutyag nga ang Ceuta dili sakop sa Schengen area.
