BUTUAN CITY – Gi-aprobahan sa impeachment court ang pagkuha og judicial notice sa mga opisyal nga hearing sa House Committee on Good Government and Public Accountability ug House Committee on Justice, lakip ang ilang transcripts, audio-video recordings, ug committee report.
Gitugotan usab sa korte ang pagbalhin sa exhibit markings ngadto sa certified true copies sa pipila ka bahin sa affidavit sa kanhi miangkon nga miyembro sa Davao Death Squad nga si Arturo Lascañas.
Sumala sa impeachment court, ang maong mga dokumento importante ug may kalabutan sa paghusay sa kaso.
Samtang nagpadayon ang mga pagdungog, nagpresentar usab ang House prosecution panel og dugang ebidensya ug mga saksi aron suportahan ang ilang reklamo.
Sa laing bahin, gihatagan usab og higayon ang kampo ni Vice President Duterte sa pagsukol ug pagtubag sa mga mosyon subay sa proseso sa impeachment court.
