BUTUAN CITY – Ubay-ubay nga mga tawo ang gikahadlukang namatay human ang pagkahugno sa parte sa AEON Mall Kumamoto sa Kashima Town, Kumamoto Prefecture sa Japan tungod sa kusog nga linog kagahapon.
Madumdumang ang magnitude 7.1 nga linog mi-igo sa Kumamoto Prefecture pasado alas-4:27 sa hapon (Japan Time) ug alas-5:27 sa hapon, oras sa Pilipinas. Base sa Japan Meteorological Agency, ang labing kusog nga pag-uyog mi-abot sa seismic intensity 7 sa Uki City ug Hikawa Town.
Human sa linog, usa ka pagbusikad ang na-report sulod sa mall kondiin ang parte sa ikaduhang andana partial nga nag-collapse ug daghang tawo ang na-trap sulod.
Sumala pa, mu-abot sa 20 hangtod 30 ka mga empleyado sa mall ang wala pa makontak samtang nagpadayon ang rescue operations. Daghang tawo usab ang gidala sa ospital, lakip na ang uban nga kritikal ang kondisyon.
Usa ka tsunami advisory usab ang gi-issue alang sa Ariake ug Yatsushiro seas, apan gitangtang kini pag-abot sa alas-6:10 sa gabii.
Na-report usab ang mga sunog, naguba nga mga building ug dalan, power outages, ug pagka-delay sa tren ug airline services.
