BUTUAN CITY- Gihunong sa Estados Unidos ang mga pag-atake niini sa Iran sa hangyo sa ilang rehimen, sumala ni U.S President Donald Trump.
Sa usa ka pamahayag samtang sakay sa Air Force One, sigon ni Trump pormal nga minghayo ang Iran nga ihunong ang mga pag-atake ug gihangyo nga magkita.
Apan mipasidaan usab si Trump nga ipadayon nila ang mga pag-atake ugaling mapakyas ang duha ka kampo nga makamugna og nag-ong kasabotan alang sa ceasefire o hunong-buto..
Samtang sa kampo usab sa Iran, giklaro ni Foreign Minister spokesperson Esmaeil Baghaei nga walay kasamtangang negosasyon tali niini ug sa Amerika taliwa sa pamahayag ni Trump nga ihunong nila ang pag-atake sa Iran aron hatagan og dalan ang mga panaghisgot alang sa ceasefire deal.
Dili usab matud pa nila tugotan ang U.S. nga magdikta og “timing sa kagubot ug kalinaw.”
