PBBM, gipadali ang pagpasa sa “Sariling Kuryente Act,” gitinguhang tangtangon na ang ‘System Loss’ aron ma-ubsan ang bayronon sa kuryente

BUTUAN CITY- Gipadayag ni Pangulong Ferdinand “Bongbong” Marcos Jr. nga nasayod kini sa kabalaka sa publiko kalabot sa padayon nga pagsaka sa bayronon sa kuryente sa nasud, busa gipasalig niini nga ang mga programa sa gobyerno nagtutok sa pagsulbad niini.

Gihangyo usab sa Pangulo ang Kongreso nga paspasan ang pagpasa sa “Sariling Kuryente Act” aron mahimong mas barato alang sa mga panimalay ang pag-instalar sa solar panels ug battery storage systems.

Dugang pa Marcos, panahon na usab nga wagtangon ang “system loss” nga kasagarang gipasa sa mga konsumidor isip dugang nga bayranan sa ilang bill sa kuryente.