BUTUAN CITY – Gipadayag sa mga progresibong grupo ang ilang pagsupak sa planong pagtukod og dako nga industrial hub sa New Clark City sa Tarlac, pila ka oras adiser ang State of the Nation Address kon SONA ni Pangulong Ferdinand Marcos Jr.
Nagtpok sila sa Elliptical Road sa Quezon City, diin makita ang usa ka puti nga sakyanan nga adunay tarpaulin nga nakasulat og “NO to PAX SILICA.”
Ang Pax Silica usa ka inisyatibo nga gipangulohan sa Estados Unidos alang sa industriya sa artificial intelligence (AI) ug semiconductor, nga nagtinguha nga palig-onon ang suplay sa teknolohiya ug computer chips ug maminusan ang pagsalig sa mga piyesa nga gikan sa China.
Apan mi-ani kini og daghang kritisismo tungod kay magproseso man kini og mga mineral ug paghimo og gamit para sa AI.
Una nang gipasigarbo sa gobyerno nga maghatag kini og daghang trabaho, mas taas nga sweldo, ug bag-ong kahibalo sa teknolohiya apan sigon sa pipila ka grupo, posibleng mahurot sa maong industrial hub ang tubig ug kuryente, madaot ang kina-iyahan ug madala ang Pilipinas sa tensyon tali sa dagkong nasud.
