BUTUAN CITY – Target karon sa sa Department of Energy (DOE) nga ma-award ang centralized auction alang sa mga mid-merit natural gas power plants sa 4th quarter ning tuig 2026 isip kabahin sa paningkamot sa gobyerno nga mapalig-on ang suplay sa kuryente sa nasud.
Sumala ni Energy Secretary Sharon Garin, nakigf-alayon na sila sa lain-laing ahensya ug sa Independent Electricity Market Operator of the Philippines (IEMOP) aron himuon ang bidding.
Tumong sa programa nga dasigon ang pagtukod ug pagpalapad sa mga natural gas power plants nga magamit kung taas ang panginahanglan sa kuryente.
Gipasabot pa sa DOE chief nga mas paspas motubag ang mga natural gas power plants kumpara sa mga coal-fired power plant, busa mas makatabang kini aron malikayan ang kakulangan sa suplay sa kuryente, ilabi na sa panahon nga taas kaayo ang konsumo.
