BUTUAN CITY – Napusilan-patay sa kapulisan ang suspek nga mihimo og pag-atake sa Berlin Pride, usa ka sikat nga LGBTQ+ event niadtong sabado sa gabii.
Sumala sa kapulisan nga suspek nga si Abdul Ballout, 21-anyos sa allotment complex sa Spandau, west Berlin, gi-atake sila sa suspek gamit ang kutsilyo rasong napugos ang usa sa mga pulis sa pagpusil niini. Bisan pa sa gihimong pagg-revive sa Berlin Fire Department, wala na nasalbar pa ang kinabuhi sa suspek.
Sa karun wala nay laing gilantaw nga suspek ang otoridad diin ang kaso gipasa ngadto sa murder commission authorities sa Germany.
Mahinumdumang gimaneho sa suspek ang van sa dihang giligis niya sa daghang mga tawo samtang nangluba usab kini nga miresulta sa pagkamatay sa usa ka babaye samtang 29 ang samaron. Ang suspek nga usa ka German citizen nga dunay Lebanese Background, misulay kini pag-apil sa Islamic State Group apan wala nahinayon.
