BUTUAN CITY – Gitangtang na sa puwesto si International Criminal Court (ICC) Prosecutor Karim Khan human nga ang kadaghanan sa mga miyembrong nasud sa korte misuporta sa iyang pagpahawa.
Nasayrang 82 sa 125 ka miyembrong estado sa ICC ang misuporta sa desisyon tungod sa alegasyon sa sexual misconduct, may kalabutan sa usa ka junior staff member sa korte.
Gipanghimakak ni Khan ang mga pasangil ug sumala sa iyang mga abogado, walay igong ebidensya batok kaniya ug dili patas ang proseso sa pagdungog sa kaso.
Human sa iyang pagtangtang, magsugod ang proseso sa pagpili og bag-ong ICC prosecutor, apan gila-uman nga sa sunod tuig pa kini makapuli.
Samtang, nagpadayon gihapon ang tanang arrest warrants nga gipagawas sa ICC tungod kay ang mga hukom ra sa korte ang adunay gahum sa pagbakwi niini.
Madumdumang sa pagbisita ni U.S. Secretary of State Marco Rubio sa Pilipinas, gibutyag niya nga dili gayud mu-atubang sa ICC ang mga opisyal sa Estados Unidos sa rasong duna matud pa kini mga membro nga duna’y problema sa utok.
Nasayrang ang U.S. dili miyembro sa ICC ug dugay na nilang gikuwestyon ang gahum sa maong International Court.
